Kordial Saludo,

Meskos ku un kas mester di un bon fundeshi pa e por “para riba su kurpa”, un mucha mester di un bon base ku lo fortalesé su futuro.
Ehersiendo e profeshon di dirèktor athunto na skol i a traha prome dies aña komo maestra dilanti di klas mi ta konfrontá diariamente ku preparashon di esnan di edat mas chikí te esnan mas grandi. Guia di un mucha tin hopi balor kaminda bo tin ku duna hopi amor i kariño na nan. Un mucha ta eksigí atenshon i splikashon pa tur lokual ku abo komo maestra ke duna nan pa asina nan desaroyá korektamente. Ta maestra di skol, ta esun ku ta fungi komo reedukador di kada miembro kresiente den nos komunidat.

Organisashon Hupsakee ta un organisashon bou di guia di maestranan di skol ku nan asistentenan.E organisashon su meta ta pa eduká e mucha den un manera dibertido trahando riba e mucha su desaroyo sosial kognitivo i su motoriko gròf i fini.
Hupsakee ta traha pa i konhuntamente ku e mucha i si tin mester konhuntamente ku e mayor poniendo e muchanan sentral.
Bo(so) konfiansa den e organisashon ta fortalesé nos esfuersonan.
Kòrda bon : “ un mucha bon desaroyá ta un futuro bon sigurá “ .

Atentamente,

Roxanne R. Borgschot-Lucia

Maestra di skol/Koordinadó di siklo I & II
General Coordinator